El Tous p@ Tous

Sociedad canguesa de amantes del país

  • Aumentar fuente
  • Fuente predeterminada
  • Disminuir fuente
Spanish English French German
Portada Vocabulariu de Cangas del Narcea

Vocabulariu de Cangas del Narcea (Jesús Feito Calzón)

Hay 1066 entradas en este glosario.
Buscar terminos del glosario (expresiones regulares son permitidas)
Empieza con Contiene Termino exacto Se parece a
Todo A B C D E F G I L M N O P Q R S T U V X Y Z
Página:  « Prev ... 3 4 5 6 7 8... Próximo »
Termino Definicion
ariase

Estropiase la piel por aciu del fríu. Tien las manos ariadas que dan pena.

arizu, l’

Envoltura con pinchos que protexe’l frutu de la castañal. Quedóu la curripa empicada d’arizos. 2. Infección que sal ente las uñas de los mamíferos rumiantes. Esa vaca coxea muitu, hai que corta-y l’arizu.

arrabuñar

Mancar (el pel.leyu conas uñas, con un artu). Foi pal monte ya baxóu tou arrabuñáu.

arramar

Esparder (daqué no terrén, no suelu). Tuvo arramando cuitu tola tarde.

arramplar

Marchar con tolo qu’hai. Entranon de nueite ya arramplanon con tou cuantu había.

arranar

Enfermar el ganáu de sutrucu (Paez ser qu’había que sangrar al res nel intre pa que nun morriera, clavándo- y una aguya o una navaya nel pescuezu). Arranóu-y una vaca na feria a Antón ya nun hubo quien la salvara.

arrancadeira, l’

Tomar l’arrancadeira. Tomar la última consumición. Echamos l’arrancadeira ya marchamos, que mañena ía día de garabuyos.

arrancanabos, l’

Xuegu infantil que consiste en l.levantar del suelu a los que tán sentaos. Tien dalgunas variantes. Ma, esfouciquéime no suelu xugando al arrancanabos.

arrebater

Retener alguna cousa pa que nun caiga. 2. Retener a un animal o a una persona pa que nun corra, atouzar. Vei tu delantre pa ir arrebatiendo’l ganáu.

arrel.lancar

Cañicase (nuna siel.la). Dexa d'arrel.lancate que vas rompe-y las patas a la silla.

arrel.lumáu, -ada

Tontu de la cabeza. Mialma si nun ta igual que’l tíu, sin xeitu nengunu ya arel.lumáu del tou.

arrendar

Arrimar (la tierra a la planta). Ya'l tercer l.labor nas tierras. Toi reventáu d'arrendar el maíz.

arribón

Mui arriba. Tien namás qu’una baragaña al.lí arribón en casa’l demoniu.

arricacha, l'

L.levar a l'arricacha. L.levar, polo xeneral a outra persona, enriba'l l.lombu. L.lévame a l'arricacha, ¡ho!

arrobón, -a

Que fai trampas al midir o cuntar nos xuegos. Nun seas arrobón, si non nun xuego más contigo al gua.

arrol.lar

Mover el trubiecu hasta qu’adormeza el nenu o la nena. Tuvi arrol.la qu’arrol.la hasta que canséi ya nun fui pa dormilu.

arroxar

Echar (pola boca'l conteníu de la bandorga). Taba tan malu que tuvo que l.levantase a arroxar pola nueite. 2. Poner bien encesu (el fornu pa cocer el pan). La meyor l.leña p'arroxar ya la de rebol.lu. 3. Arrastrar (l'augua la parte de riba del terrén al estramazar). Arroxóu tou camín abaxu.

arrudicar

Revolcar o revolcase pol suelu. Vamos xugar a arrudicanos pol prau.

artu, l’

Espinu, matucu de ramas espinosas. Sos tan folgazán que tienes los artos na puerta casa ya nun sos pa rozalos.

asolombriar

Ponese a la solombra. Vamos a asolombriar un poucu ya moyar algo la bouca, que fai muita calor. 2. Dar solombra.

aspaciu

Pouquinín a pouquinín. Vei dándo-y aspaciu nun me lu vayas a romper.

aspáu, -ada

Tar aspáu de fame. Tener muita fame (daquién).

astráu, -ada:

Chenu de cousas (el suelu, el terrén). Tien el cuartu astráu de xuguetes.

asusañar

Imitar (a daquién fiendo-y burla). Asusañar, asusáñalu muitu bien.

atabales, los

[Pl.]. Atavíos, guarniciones de las cabal.lerías. Lu primeiru que tienes que faer ye aprender a pone-y los atabales al burru, ya depués yá te subirás a él. 2. Preseos necesarios pa faer un trabayu. Tien tolos atabales tiraos por ahí ya asina nun los alcuentra cuando los necesita.

Página:  « Prev ... 3 4 5 6 7 8... Próximo »
Todo A B C D E F G I L M N O P Q R S T U V X Y Z
Glossary 2.8 uses technologies including PHP and SQL

Acceso socios

¡Únete a nosotros!

Domicilia tu cuota

La forma rápida y segura de pagar tu cuota del Tous pa Tous

Selecciona tu cuota de socio
(incluye tarifa Pay Pal)
Nombre
Apellidos


TOUS P@ TOUS Novedades photoset TOUS P@ TOUS Novedades
flickr

© Tous pa Tous. Sociedad canguesa de amantes del país