El Tous p@ Tous

Sociedad canguesa de amantes del país

  • Aumentar fuente
  • Fuente predeterminada
  • Disminuir fuente
Spanish English French German
Portada Vocabulariu de Cangas del Narcea

Vocabulariu de Cangas del Narcea (Jesús Feito Calzón)

Hay 1066 entradas en este glosario.
Buscar terminos del glosario (expresiones regulares son permitidas)
Empieza con Contiene Termino exacto Se parece a
Todo A B C D E F G I L M N O P Q R S T U V X Y Z
Página:  1 2 Próximo »
Termino Definicion
sabaniel.lu, el

Trapu que s'usa en diferentes l.labores: na queisadiel.la pa fer la colada, na era, na matanza... Espurre'l sabaniel.lu, vamos metelu debaxu l'aventadora pa que recueya'l granu.

sabichegu, -a
  1. Que sabe muitu. Espabiláu pa la vida. A esi sabichegu nun lu engaña cualquiera.
  2. Que paraxismea de saber sin saber nada. D’esi sabichegu nun hai que fiase muitu, piensa que lu sabe tou ya nun sabe nada.
sacabera, la

Salamandra salamandra. Anfibiu urodelu, de la familia de los salamándridos, de color prietu ya manchas mariel.las, conos güeyos saltones ya un pliegue no pescuezu. Na pel.leya tien unas glándulas que sueltan una sustancia tóxica, polo que na creyencia popular son peligrosas. // Si te pica una sacabera nun te da tiempo a sentir la misa entera.

sacadilla, la

Sida, escusa, xustificación. Nun andes sacando sacadillas, vei fer lo que tienes que fer.

ságamu, el

Miol.la de la madera. Entróu’l bícaru namás que nas piezas que tienen ságamu.

sal.lar

Trabayar (las tierras de l.labor pa quitar las malas yerbas). Ya la segunda xera. Yá sal.lanon el maíz.

salgueiru, -era, el/la

Nome común de estremadas especies d’árboles del xén. Salix, fam. salicáceas. Tien las canas cilíndricas, fueyas enteras ya flores en amentos. La so madera nun ía apreciatible. Cortóu unas blimas del salguieru pa facer un maniegu.

saltapraos, el

Nome común de numberosos inseutos ortópteros que tiene las patas d’atrás l.largas ya fuertes, afayadizas pa saltar, saltasucos, saltón. Pousósete un saltapraos no l.lombu ya nun te disti cuenta.

saltasucos, el:
saltón, el:
sapiegu, -a

Pequenu, nainu o que naz al ras del suelu (un árbol, un matu). Esa fueya ya d'un rebol.lu sapiegu.

sapos, los

Vixirigas que-y salen al ganáu dientro la bouca. Hai que corta-y los sapos a esa vaca que van dos días que nun prueba bocáu.

sardón, el

Ilex aquifolium. Arbustu de la familia de las aquifoliáceas, de flores blancas. Da un frutu en forma de boliquinas encarnadas, consideradas velenosas pola creyencia popular. Tien la fueya perenne, cérea, coriácea, verde, dura ya espinosa. Hai que poner una varina de sardón no l.lousáu pa que nun caigan los rayos.

sardonal, el

L.lugar mui pobláu de sardones. Metiénonse las vacas no sardonal a moscar.

sardoneiru, el

Personaxe (del antroiru que l.leva una xamasca de sardón con la que-y da a la xente). Curréi, que vien el sardoneiru.

seiquesí

Términu usáu polo xeneral pa poner en dulda una cousa. Pesquéi una truita que pesaba lo menos tres kilos. —Sí, ho, seiquesí.

senciellas

A senciellas. Con una xunta sola. Tuvo acarrando a senciel.las.

señu, el

Cantidá mui pequena. Aínda ta mui l.largu, voi quita-y un señu por delantre ya outru por detrás.

sicasí

Alverbiu de mou. Sicasí faltó-ys bien poucu p'albardalas.

sida, la

Sacadilla, escusa, xustificación. Ya toi fartu de sidas.

siñesta, la

Cytisus escoparius. Escoba. Matu de 0’5 a 2 m. ya a veces mayor, dreitu, con canas angulosas, ensin pelos. Las fueyas son polo xeneral caedizas ya las d’abaxu trifoliadas; flores mariel.las, pedunculadas solitarias. Ya la planta cona que se teita. Vei busca una carga de siñestas a la roza.

soletrear

L.leer marcando (las sílabas). El miu nenu ya bien espabiláu, l.leva tres días na escuela ya yá soletrea.

solmenar

Maltratar con güelpes. Solmenó-y unos cayadazos que lu desgracióu.

sombráu, el

Desván (de la panera ya l'horru). Sube las castañas pal sombráu qu'aiquí nun faen más qu'estorbar.

sonzu, -a

Sin resistencia, débil. Nun lu amarres con esi rechu, qu’ía mui sonzu ya vei romper.

Página:  1 2 Próximo »
Todo A B C D E F G I L M N O P Q R S T U V X Y Z
Glossary 2.8 uses technologies including PHP and SQL

Acceso socios

¡Únete a nosotros!

Domicilia tu cuota

La forma rápida y segura de pagar tu cuota del Tous pa Tous

Selecciona tu cuota de socio
(incluye tarifa Pay Pal)
Nombre
Apellidos


TOUS P@ TOUS Novedades photoset TOUS P@ TOUS Novedades
flickr

© Tous pa Tous. Sociedad canguesa de amantes del país