El Tous p@ Tous

Sociedad canguesa de amantes del país

  • Aumentar fuente
  • Fuente predeterminada
  • Disminuir fuente
Spanish English French German
Portada Vocabulariu de Cangas del Narcea

Vocabulariu de Cangas del Narcea (Jesús Feito Calzón)

Hay 1066 entradas en este glosario.
Buscar terminos del glosario (expresiones regulares son permitidas)
Empieza con Contiene Termino exacto Se parece a
Todo A B C D E F G I L M N O P Q R S T U V X Y Z
Página:  1 2 3 Próximo »
Termino Definicion
rabadal, el

Zarráu ya rabu (del gochu). Voi poner un cachu rabadal a remueyu pal martes d'antroiru.

rabasquera

de rabasquera, a traición. Dio-y un par de xostradas de rabasquera ya salíu chapinando.

rabina

Pañar de rabina. L.levar de rabina. L.levalu tou dafeitu. Encendióuse'l monte ya l.levóulu tou de rabina.

rabuscu, el

Ir al rabuscu. Dir a la gueta. Corre l'aire las castañas; mañana hai que l.levantase bien ceu pa ir al rabuscu.

racar

Aprovechar al máximu la comida. Saca esas vacas del prau, tán ahí racando ya tán esfamiadas del tou.

ragaña, la

Regal.la, arregal.ladura . Hai qu'arreglar esa ragaña de la paré del cuartu. 2. Separación (ente las ñalgas). Tira de los pantalones p'arriba que vas enseñando la ragaña.

raigame, la

v. raizón.

raitán, el

Erithacus rubecula. Paxarín pequenu de color pardu cono peitu coloráu. Esi paxarín nun ya un verderón , ya un raitán.

raizón, el

Raigame, muérganu de las plantas al que-y faltan las fueyas ya las flores ya que tira a medrar a la escontra’l tueru. Sírve-ys pa fixase al sustratu ya sorber d’él las sustancias nutritivas ya l’augua. Hai qu’arrancalu col raizón, si non vuelve salir.

ral.la, la
  1. Restos apegaos al culu’l pote. Préstame rebañar bien la ral.la cuando faen arroz.
  2. Piedra plana. Búscame una ral.la pa calzar la mesa que nun se xiringue.
  3. Xuegu de neños: dibúxanse polo xeneral nuna ral.la nueve puntos en tres ringleras, xuncíos por llinias rectas ya con tres piedriquinas cada xugador ya trátase de ponelas en llinia. Chevan tola tarde xugando a la ral.la ya nun cansan.
ramal, el

A tira ya ramal. Frase feita que s'emplega pa zarrar un tratu con tolas consecuencias, ensin marcha atrás. Si me respuendes que ta sanu doite 90.000 pts. Si non , a tira ya ramal, 70.000.

rampla

Sin ferrar ya colos tacos mui gastaos (la madreña). Nun ye pa ferrar las madreñas, anda con el.las todas ramplas.

ranfeñu, -a, el/la

Persona, animal ruinu. Esi gurín ya'l ranfeñu de la camada.

rapa, la

Masa de pan frita n’aceite envede cocida no fornu. Apartáime un poucu de masa pa faer unas rapas pa la xanta que nun hai pan nengunu en casa.

rapadoira, la:

Instrumentu cola forma d’una paleta, pa raspar la masera. Dexa la rapadoira dientro la masera que depués nun paez cuando fai falta.

rapalqueisu, -a

Que nun tien ganas de trabayar (una persona). Al diañu a ti, qué vagancia tienes, tas tol día de rapalqueisu.

rapiega, la

Vulpes vulpes. Mamíferu carnívoru de la familia de los cánidos. Tien unos 60-80 cm de l.largor ya 6 a 10 kg de pesu, cono focicu l.largu ya aguzáu ya oreyas grandes. El pelax ya pardorroxizu pol l.lombu ya agrisáu por baxu ya tien una cola l.larga ya mui poblada. // Al son del l.lobu come la rapiega, unos dan la cara ya outros aprovéchanse d'el.lo.

rapón, el

Raseiru (pa nivelar una midida). Pása-y el rapón pa que vaya bien medíu.

rapuca, la

Variedá de castaña propia p'asar ya cocer en corteyu. Esas castañas son rapucas, tardan más en madurar que las outras.

ratu, el

Mus musculus. Mamíferu roedor de la familia de los múridos, d'unos 15 cm. de l.largor de los que la mitá lo menos correspuénden-y al rabu; cabeza estreita, cono focicu aguzáu, oreyas grandes, güeyos pequenos ya pelax gris parduzu. // Presumir más qu'un ratu encima un queisu.

rebáu, el

Terrén (pinu ya irregular). Nesi rebáu nun paran nin las cabras; vas tener qu'atate pa gadañalu. Terrenu pindiu ya malu de trabayar. Nesi rebáu nun hai quien gadañe. Mete las oveas que lu pazan.

rebodín, el

Banquete celebráu unos días depués de la boda nel que se xuntan los novios ya los parientes más cercanos. Fixenon una boda por tolu altu ya’l rebodín nun foi menos.

recatón, el

Refuerzu (de fierru aguzáu que se-y pon al cayáu pa sofitase meyor). Púso-y un recatón al cayáu que nun hai perru que se-y acerque.

recha, la

Trozu pan untáu con manteiga. Merendéi un tazón de l.leite con dos o tres rechas ya quedéi despachada pa güei.

rechu (~ reyu), el

Cordel. Voi garrar un rechu ya atate a la pata la mesa si nun paras quietu.

Página:  1 2 3 Próximo »
Todo A B C D E F G I L M N O P Q R S T U V X Y Z
Glossary 2.8 uses technologies including PHP and SQL

Acceso socios

¡Únete a nosotros!

Domicilia tu cuota

La forma rápida y segura de pagar tu cuota del Tous pa Tous

Selecciona tu cuota de socio
(incluye tarifa Pay Pal)
Nombre
Apellidos


TOUS P@ TOUS Novedades photoset TOUS P@ TOUS Novedades
flickr

© Tous pa Tous. Sociedad canguesa de amantes del país