El Tous p@ Tous

Sociedad canguesa de amantes del país

  • Aumentar fuente
  • Fuente predeterminada
  • Disminuir fuente
Spanish English French German
Portada Vocabulariu de Cangas del Narcea

Vocabulariu de Cangas del Narcea (Jesús Feito Calzón)

Hay 1066 entradas en este glosario.
Buscar terminos del glosario (expresiones regulares son permitidas)
Empieza con Contiene Termino exacto Se parece a
Todo A B C D E F G I L M N O P Q R S T U V X Y Z
Página:  1 2 Próximo »
Termino Definicion
l.lábana, la

L.lousa, piedra grande ya plana. Hai que buscar una l.lábana bona pa la solera la puerta. Truximos una l.labanísima no carru que tomaba tola piértiga.

l.labeirón, el

Planta silvestre de tueru l.leñosu con fueyas grandes, compuestas, aserradas, de color verde oscuru ya pía acanaláu. Fixo una estoupada con fueyas de l.labeirón pa cura-y'l cólicu a la xatina.

l.lagaña, la

Cazcarria (que se forma nos ángulos que forman los párpagos). Vien pa la escuela tolos días sin quitar las l.lagañas.

l.lampaza, la

Restu (que queda cuandu se quita dalgo del terrén). Al.lí arriba no Cuetu tovían quedan bonas l.lampazas de nieve. Engaza bien que tan quedándote muitas l.lampazas.

l.lamuerga, la

L.lamargal, champán.¿Ónde te metisti que traes los pantalones chenos de l.lamuerga?

l.langurdiu, -a

Sabichegu, cuzu. A esi l.langurdiu, pa feila hai que madrugar.

l.lapacanada, la

Fartura, no sen de merienda con comida asgaya. Depués de bañanos vamos de l.lapacanada pa la bodega Antón.

l.lapueira, la

Bebida (de mal sabor). De ónde coñu truxiste las uvas anguanu que nun salióu más que l.lapueira.

l.laureiru, el

Laurus nobilis. Árbol perennifoliu de la familia de las lauráceas, de tueru lisu, agrisáu; fueyas alternas, lanceoladas, enteras, coriáceas ya ricas n'esencias; flores unisexuales ya frutu en baya. Utilízase comu antirreumáticu en medicina tradicional ya comu aromáticu en gastronomía. Tien poderes máxicos pa curar el mal de güeyu ya pa espantar las tonas. Trúxume l'afiada'l l.laureiru bendecíu'l día la bol.la.

l.lavaza, la

Restos (de comida ya de l.lavar la cacía que se-ys da pa comer a los gochos). Anda pañando las l.lavazas de tolos chigres pa criar un gochín.

l.legra, la

Ferramienta (del madreñeiru pa trabayar las madreñas por dientru). Apúrreme la l.legra pa vaciar un poucu más esta madreña.

l.leirón, el

Arenal o pedregal (no monte). ¡Mira un corzu, naquel l.leirón d'al.lí enfrente!

l.leldar

Dieldar, esperar a que actúe (el furmientu na masa'l pan). Tengo'l pan l.leldando, dientru un poucu tengo qu'enfornalu.

l.lentu, -a

Húmedu. Nun pongas esos calcetos qu'inda tan l.lentos.

l.lepre, la

Retafila, filera, grupu grande (de xente). Menuda l.lepre había l'otru día a la salida la escuela.

l.lerza, la

Mieu pergrande. Esperóulu escondíu debaxu'l cementeriu ya vaya l.lerza que-y metióu pal cuerpu.

l.libraduras, las

Gurrias. Vei enterrar las l.libraduras de la vaca que nun queden por ahí tiradas. // Nun s'esl.libróu, ainda nun echóu las l.libraduras.

l.lingua páxaru, la

Terrenu l.largu ya estreitu que nun val pa tierra de l.labor. Pasóu la carretera pol mediu la güerta ya dexó-y dos l.linguas de páxaru que nun valen pa nada.

l.liñuolu, el

Montón (de ceba que va dexando'l que gadaña). Maral.lu. Entra por riba ya echa un l.liñuolu hasta'l cabu.

l.lobu, -a, el/la

Canis lupus. Mamíferu carnívoru de la familia de los cánidos de 1-1'40 m. de l.largor ya entre 25-70 kg. de pesu. Tien el focicu l.largu ya las oreyas tiesas. El rau l.lega a midir 30-40cm. Venían unos rapaces pidiendo con una pel.leya de l.lobu. 2. Persona mala. Esa pintóu bien, menuda l.loba ta feita. // ¡Tien bon mieu el l.lobu a la ovea!. 2. Yerba segada mui alta o sin segar. Non, gadañar gadañeste bien, vaya l.lobos que dexaste por tou'l prau.

l.lóndriga, la

Lutra lutra. Mamíferu carnívoru de la familia de los mustélidos de 65-85 cm de l.largor ya con un rau gordu d'hasta 60 cm.Ya de color pardo oscuru pol l.lombu ya blancu por baxu. Vive a la vera los ríos ya l.lagos, alimentándose polo xeneral de truitas ya pescardos. Nesi pozu nun queda una truita, anda una l.lóndriga que las come todas.

l.loru, el

v. xubéu.

l.louru, -a

Oscuru. Ta mui l.louru, abarrunta tormenta.

l.lousáu, el

Teyáu. Andan los gatos pol l.lousáu.

l.lubiel.lu, el

Madexa (de filu, de l.lana). Tuvo'l nenu xugando tola tarde cono l.lubiel.lu ya enredóumelu enteru.

Página:  1 2 Próximo »
Todo A B C D E F G I L M N O P Q R S T U V X Y Z
Glossary 2.8 uses technologies including PHP and SQL

Acceso socios

¡Únete a nosotros!

Domicilia tu cuota

La forma rápida y segura de pagar tu cuota del Tous pa Tous

Selecciona tu cuota de socio
(incluye tarifa Pay Pal)
Nombre
Apellidos


TOUS P@ TOUS Novedades photoset TOUS P@ TOUS Novedades
flickr

© Tous pa Tous. Sociedad canguesa de amantes del país